(PROBAS)
Ou subir ou parti-las caléndulas agora que estou
metida en ti
ou repta-los desertos sen flora ou chover
agora sen ti
romper auras e amarte collida dos banzos
os brazos da escaleira
e ti sabes
as escaleiras non son mármore
nin no opaco o delirio me manca
sequera as fantasmas irredentas se me asustan
nin sequera
(margaridas amarelas no meu cuarto
agárdanse paxaros aniñados na extensión
máis arriba das palabras hai un ceo de palabras e as
[palabras: non existen)
... en buenos aires doíanme as cris agallopadas
nas albardas
en new york o neón salfería a imaxinación
a imaxe e eu non estiven nunca
nunca en new york ou buenos aires
No comments:
Post a Comment