(... and after the last love song, I wrote
all this for them, for her, for you...)
I
A INMERSIÓN no silencio é o que distingue
ós que aman con espírito suicida
dos que somentes son
un soño breve.
Na viaxe nocturna que emprendemos
polo interior dun corpo diferente
un acto de amor é un fluido urxente
de suor bágoas e esperma
contra o medo
palabras desarmadas
desexos que se perden
na néboa de mil noites
entre as sabas revoltas
polo feroz presente
de dous corpos que se esquecen.
xuño, 95
En Poesía última de amor e enfermidade (1992-1995)
No comments:
Post a Comment