Monday, January 16, 2017

The Heart in Poems: Modesto Fraga (II)



CORAZÓN DELICIA

A túa pel tan suave é a caricia
que ansío ter nas noites de outonía,
o saboroso celme da alegría
a ensalitrada man que me acaricia.

A pel, o celme, a man. Esa ledicia
que nos devora, amor, día tras día
esta ardente paixón, esa avreguía
que sabe a mar e a exótica delicia.

Eu desexo habitar nas túas ondas
na cálida ambrosía da rompente,
ser lobo para anexarte onde te escondas;

vivir e naufragar na pel gozosa,
ouvearlle á lúa azul libidinosa
por te soñar, inevitablemente.

No comments:

Post a Comment