Words in Poems: Francisco Cortegoso (II)

Francisco Cortegoso

A PALABRA OFRÉCESE Á BOCA

e toda esa densidade contida no seu rostro

ningunha, ningunha  - bágoa

man a man sostéñoa sobre o achegado da noite

caerá

se -- entón

man con man o día

como auga

se auga

trazares unha liña até a gravidade do seu gesto

se clara

desde alí lanzarei o meu nome cara a ti

xa pedra, pedra a palabra

como

de man en man --

inutilmente

se pedra

En Suicidas (2016)

Words in Poems: Francisco Cortegoso

Francisco Cortegoso

DA TÚA VIDA __ tan só este verso pode ser cristal de voz atravesando

a palabra da boca mentres esa lingua moura onde Ti habitas,

onde te viven cando te pronuncian porque esa apenas o

transo deste son que eu son ou tamén o espazo onde nós

somos a nós o que a palabra ve: nunca escribimos as cores

mais o outro día este verso contemplou como trazabas sobre

a pel cor-de-todas-as-peles unha liña que te dicía, unha liña

cor-de-morte e, no entanto, alí ficaban todas as palabras que te pronunciaran

azul -- o teu ollo de palabras dicía

En Suicidas (2016)